இன்று நாம்......

இன்றைய உணவு

ஒரு வயதில்
மலத்தை நக்கி
வாயி்ல் சப்பியவன்
வளர்ந்தபின் கேட்கிறான்
பீ....ட்சா வாங்கித் தா.

பிடி(பி.டி.) சாபம்

எலிக்கும் குரங்கிற்கும்
கல்லீரல்,சிறுநீரகம்
வெந்தது போதாதா
மான்சாண்டோவே?
நீ பிடி சாபம் கொடுக்க
கொக்கென்று நினைத்தாயோ
இந்தியரை?
ஒரு கத்தரிக்காயும் வேண்டாம்
போ.

டாஸ்மார்க்

 

மக்களைச் செல்லாக் காசாக்கி

சுண்டி விளையாடும்

அரசியல் விளையாட்டில்

எப்போதும் 

பூக்களே விழுகின்றன.

தனிமரம்...

 

உன்னை

யாரோ அழைக்கிறார்கள்

போ என்றதும் போனாள்

சன்னமல்லி...

குண்டுமல்லி...

ஊசிமல்லி...

வாசலில் நின்று

பூவிற்றவனைக் கண்டு

பெருங்கோபத்துடன்

உள்ளே வந்தவளைப் பார்த்து

“நா சொன்னா மட்டும் அடிக்க வர்றே”

என்ற தம்பியைத் துரத்திய நாட்களை

நினைத்துப் பார்த்துப் பெருமூச்சுவிடுகிறாள்

விக்கிற விலைவாசிக்கு

ஒன்று போதும் என நிறுத்திவிட்ட

மல்லிகா. 

 

அம்மாப்பேட்டை அருள்மிகு சுப்ரமணியர் சுவாமி திருக்கோயில்

அம்மாப்பேட்டை அருள்மிகு சுப்ரமணியர் சுவாமி திருக்கோயிலில் நவராத்திரி வழி கொண்டாட்டம் நடைபெற்று வருகிறது. அக்கோயிலிலுள்ள துர்க்காதேவிக்குச் சிறப்பு வழிபாடுகள் நாள்தோறும் நடைபெற்றுவருகிறது. உற்சவ அம்மன் சிலைக்குச் சிறப்பு அலங்காரம் செய்யப்பட்டுள்ளது.

துர்க்கை அம்மனுக்குச் சிறப்பு அலங்காரம்

ஒவ்வொரு நாளும் ஐந்து வயதிற்குட்டபட்ட சிறுமியைத் துர்க்காதேவிபோல் அலங்கரித்து, அம்மனே நேரில் வந்ததாகப் பாவித்து வணங்குகின்றனர்.

தகடூரான் சிறுகதைகள்

நவீன இலக்கியத்தின் பல்வேறு வடிவங்களில் உலகின் பல்வேறு மொழிகளிலும் தனிப்பெறும் வெற்றியை அடைந்திருப்பது சிறுகதை வடிவமாகும். அவ்வடிவம் தமிழில் மிகச்சிறப்பாகக் கையாளப்பட்டு வருகிறது. தாம் வாழுங்காலத்தே போற்றப்பட்ட கலைஞர்களைவிட வாழ்ந்து முடிந்த பின் போற்றப்பட்ட கலைஞர்களே அதிகம். அவ்வகையில் தகடூரான் அவர்களின் படைப்புகளைக் குறிப்பிடலாம்.